Det er flotte 1. sundag i advent-markeringar på gang både i Valle og Hylestad. Her frå feiring på Bjugsbakk for nokre år sidan.
Ole Birger Lien
I Valle er det fredag 28. november det heile går føre seg. Der blir det både nissefest og fakkeltog i sentrum, med start med bollar og kakao framom gamle Joker klokka 16.30. Klokka 17 blir det samling ved Hasla. Sokneprest Toralv Frøysaa Lie helsar velkomen, allsonga “Tenn lys” skal runge, og ljosa på jolegrana skal tennast. Ordførar Lars Tarald Myrum held tale, og Valle kulturskule har eige musikkinnslag. Ny allsong “På låven sitter nissen” får nok varmen i store og små, før fakkeltoget går opp til Valle Bygdeheim.
Ha på nisselue!
Folk blir oppmoda om å ta med eigne lykter til arrangementet, og det er aldri feil å kome i nisselue! Det er Valle sentrumsforeining, Valle Bygdekvinnelag og kultur og fritid i Valle kommune som står bak arrangementet.
Fakkeltog opp til museet
I Hylestad er det sjølvaste 1. sundag i advent markeringa går føre seg. Frå klokka 14 er det stor joleverkstad i Setesdalsmuseet. På museet sel Hylestad Bygdekvinnelag pylser, kaker og kaffi, utstillingane er opne og det er fri inngong. Klokka 16.30 blir det jolegrantenning før fakkeltoget fotar seg ned til Hylestad kyrkje, der det skal vere ljosmesse. Både i Valle og Hylestad tradisjonell og god feiring av 1. sundag i advent altså.