"Hylestad min heimstad" i Hylestad barnehage
Borna i Hylestad barnehage har vore i sving med prosjektet «Hylestad min heimstad», og i samband med prosjektet har tema som kraftverk og gjenvinning vore i fokus i januar. Ein har hatt særleg fokus på miljø og nærmiljø, og borna fekk innsikt i korleis vatn blir nytta som energikjelde.
Publisert av Ole Birger Lien
Publisert 25.03.2026 13:30
Sist endra 25.03.2026 13:30
Alle foto: Maria Bjørgum Berg
Barnehagen har arbeidd med tema knytt til berekraft og miljø, der alle fekk lære om kjeldesortering og korleis avfall påverkar naturen.
Ute på oppdaging
I samband med prosjektet fekk borna vitje både Rysstadmo gjenvinningsstasjon og Hekni kraftverk. Dette gav borna verdifull og konkret kunnskap om korleis energi blir produsert, og korleis avfall kan handterast på ein miljøvennleg måte.