Ny kyrkjeverge i Valle og Hylestad sokn

Ingunn Nordmo Sagland er ny kyrkjeverge i Valle og Hylestad sokn. Privat

Nordmo Sagland kjem med bakgrunn mellom anna som leiar i Frelsesarmeens rusomsorg, administrasjonsleiar i ein misjonsorganisasjon og dessutan leiar i ein kaffibar.

– Før eg byrja som kyrkjeverge arbeidde eg i ein barnevernsinstitusjon. Eg har ei bachelorgrad som barnevernspedagog og leiarutdanning innan personal og kompetanseheving, seier ho.

– Varmt motteken

Ingunn Nordmo Sagland kjenner seg velkomen i Valle og Hylestad.

– Eg har blitt varmt motteken både av soknerådet, på kyrkjekontoret og av folk flest i kommunen. Eg trivest sers godt i jobben. Kyrkjelydsarbeid er ein del av stillinga mi. Det ser eg fram til å ta ein større del i. Då kan eg også bli endå meir kjent med folk i soknet, seier ho.