Nye brøytekontraktar skal lysast ut i Valle kommune
Valle kommune sine brøytekontraktar går ut i april i år, og det nærmar seg at nye anbod for perioden frå hausten av og i fem år framover skal lysast ut. Men før den tid skipar kommunen til dialogmøte med aktuelle tilbydarar.
Publisert av Ole Birger Lien
Publisert 09.02.2026 12:47
Sist endra 09.02.2026 12:47
Pixabay
Det er i alt tre roder som skal lysast ut - to i Valle og ei i Hylestad. Kommunen ber interesserte tilbydarar om å møte i kommunestyresalen torsdag 19. februar klokka 18.
– Der presenterer me detaljane rundt anbodstevlinga, og seier også litt meir om vidare gang i saka, seier Geir Helge Solheim i Valle kommune.