Påskehelsing frå Valle kommune!

Valle austehei påska 2026. Ole Birger Lien

Sjølv om vermeldingane tyder på litt skiftande ver framover, ligg likevel det meste til rette for ei flott høgtid. I fjell og hei er det framleis snø nok att for dei som vil få seg ein frisk skitur - men hugs no på åtvaringa frå Å Energi om usikker is, spesielt på regulerte vatn. Det kan også vere greitt med ei påminning om at bandtvangen tar til i morgon onsdag 1. april.

Vis omsyn kor du fer

Så veit ein også at til fjells kjem ein nærare dyrelivet - om det no er reinsdyr, rype eller anna. Det betyr at på denne tid, med drektig vilt i skogar og heier og kalvingstida like om hjørnet - må ein vise ekstra omsyn. Best plass til alle er det når alle bruker hovudet! 

Så er det også på sin plass å rette ei stor takk til alle dei som er i beredskap i påska - slik at alle me andre kan ha fri.

Rektig god påske!