Regionrådet til Oslo fredag for å lobbe Nasjonal turistveg-prosjektet

Dagleg leiar i Setesdal regionråd, Gro-Anita Mykjåland, seier at turen til Oslo fredag handlar om å lobbe riksveg 9 som Nasjonal turistveg.

– Målet er å for å sikre vidare framdrift i arbeidet med rv. 9 som Nasjonal turistveg. Målet er ein stegvis og forutsigbar prosess som byggjer på berekraft, gjenbruk og Setesdals unike kultur- og naturverdier, seier dagleg leiar i Setesdal regionråd, Gro-Anita Mykjåland.

På turen er styreleiar i regionrådet, Åserals-ordførar Inger Lise Lund Stulien, Byglands-ordførar Runar Granheim og frå Agder fylkeskommune fylkesordførar Arne Thomassen og opposisjonsleiar Gro Bråthen.

I departementet er det avtalt møte med statssekretær Jakob Vorren.

Om Nasjonal turistveg

Nasjonal turistveg er ei statleg satsing på utvalde vegstrekningar i Noreg som er kjende for spesielt vakker natur og store opplevingsverdiar. Ordninga omfattar 18 vegar spreidde over heile landet, med ei samla lengd på om lag 2 200 kilometer. Målet med prosjektet er å gje reisande unike natur- og kulturopplevingar, samstundes som det bidreg til lokal verdiskaping og styrking av reiselivet. Langs dei nasjonale turistvegane finn ein mellom anna arkitektonisk utforma rasteplassar, utsiktspunkt og kunstinstallasjonar som er tilpassa landskapet. Statens vegvesen har ansvar for utbygging, drift og vedlikehald av vegane. Nokre av strekningane kan vere vinterstengde på grunn av vêr- og føreforhold.