Spørjeundersøking frå skulen i Valle

Ungdomsskulen i Valle har hatt eit pågåande prosjekt i den tverrfaglege perioden sin - “Setesdalsfolk”. I denne perioden har elevane blitt betre kjente med den såkalla villreinsaka - og no har dei også laga ei spørjeundersøking om temaet.

Eit knippe av elevane i Valle som no sender ut spørjeundersøking. Frå venstre: Victor Tveit, Knut Løyland Homme og Linus Åmlid Rinden. Valle skule

På skulen i haust har elevane fått besøk av ordførar Lars Tarald Myrum, som presenterte villreinsaka. I etterkant vitja også Daniel Homme og Ragnhild Bjåen skulen, og gav kvart sitt syn på problematikken. 

– Dette er noko som engasjerer, og i etterkant av dette opplegget har elevane laga ei samla undersøking med spørsmål til innbyggjarane i Valle kommune, seier lærar Kristian Thaule.

Håpar på mange svar

Han legg til at undersøkinga tar for seg korleis innbyggjarane opplever og bruker naturen og heia, og korleis dei ser på samanhengen mellom naturbruk, tradisjon, trivsel og vern.

– No håpar me at mange tar seg tid til å svare, seier han.

HER ER LENKE TIL UNDERSØKINGA