Valle kommune flaggar for Nynorskdagen 2026!
I dag 12. mai er Nynorskdagen - og Valle kommune tar imot oppmodinga frå Noregs Mållag og lar flagget vaie øvst i flaggstonga!
Publisert av Ole Birger Lien
Publisert 12.05.2026 09:06
Sist endra 12.05.2026 09:06
Nynorskdagen 2026 blir markert i Valle kommune med flagget til topps!
Birgit Homme Harstad
Valle-ordførar Lars Tarald Myrum peiker på at sjølv om nynorsk på alle vis er likestilt med bokmål, handlar skriftspråket om så mykje meir.
– Dette går i grunnen beint inn i kulturen og identiteten vår. Så er det slik med alle språk at dei må brukast og bevarast for å overleve. Difor er denne markeringa noko meir enn symbolsk, seier han.
Under press
Det er i dag kring 90 norske kommunar som har nynorsk som administrasjonsspråk - dette utgjer kring 25%.
– Nynorsk er kan hende under press i form av storleik, men står likevel etter måten sterkt. Så er det inga tvil om at påvirkning frå media, sosiale media og liknande i mykje større grad ber fram bokmål. Dette gjer det ekstra viktig for oss som nyttar og er glade i nynorsk, å slå ring om språket vårt, seier Lars Tarald Myrum.
Nynorskdagen er 12. mai fordi Stortinget 12. mai 1885 vedtok å jamstilla landsmål (seinare nynorsk) med dansk (seinare bokmål) gjennom jamstillingsvedtaket.