Både støyping og boring på kultursenteret i full gang
Støypinga ved nye Valle kultursenter held fram, og i desse dagar reiser også veggane i underetasjen seg.
Publisert av Ole Birger Lien
Publisert 07.03.2025 12:21
Sist endra 07.03.2025 12:21
Testboring ved nye Valle kultursenter.
Tone Straume Wikeland
Der er det areal mellom anna for garderobe til symjehall som skal på plass.
Testboring
Det er planlagt infiltrasjonsbrønn som varmekjelde, og det blir gjennomført testboring for å undersøke vassmengde i grunnen. Det er Sørlandets brønnboring som gjer jobben på vegne av Uppstad VVS. Det skal byggjast om lag 1400 kvm i det nye kultursenteret. Aktivitetssalen blir på om lag 350 kvm, med amfitribune og dessutan plass til folk på golvet. I tribuna blir det plass til 200 personar. Totalt i salen kan ein få inn minst 240 personar.
Innspel om bruken
Valle kommune ynskjer no innspel om bruk og drift av det nye kultursenteret. Les meir om det HER
Betongarbeidet ved nye Valle kultursenter held fram.
Tone Straume Wikeland