Nytt møte om tiltak for å betre rammevilkåra for bustadbyggjing i Valle kommune
I oktober i fjor skipa Valle kommune til informasjonsmøte for lokalt næringsliv der rammevilkår for bustadbyggjing i kommunen var tema. Lokalt næringsliv fekk vite meir om kva Valle kommune har sett i verk av tiltak for å stimulere til utbyggjing. Torsdag 12. februar kjem runde to, med nytt møte i kommunestyresalen klokka 18.
Publisert av Ole Birger Lien
Publisert 04.02.2026 13:03
Sist endra 04.02.2026 13:03
Etter møtet i fjor haust har det kome fleire initiativ frå næringslivet som kan resultere i byggjing i kommunen. Informasjonsmøtet i oktober, og no i februar, er ledd i oppfylgjinga av vedteken bustadpolitisk plan. Formålet med møtet, i tillegg til å informere, er å motivere til auka bustadbygging i privat regi, med fokus på sentrumsnære leilegheiter.
Bustadundersøking
Valle kommune gjennomførte nyleg ei stor spørjeundersøking der nettopp bustadbehovet i kommunen var tema. Responsen har vore god, og materialet frå dei fleire hundre svara blir med vidare i arbeidet. Hovudtendensane frå undersøkinga blir tema på møtet neste veke. Informasjonsmøtet er ope for alle, men lokale verksemder i byggjebransjen er spesielt inviterte.
Les saka om bustadundersøkinga
Bustadpolitisk plan 2024-2032