§ 4. Opptak
Heile Valle kommune er opptakskrins for dei kommunale barnehagane.
Kommunedirektøren, eller den kommunedirektøren delegerer oppgåva til, er opptaksmyndigheit.
Dato for hovudopptak er 1. mars.
Søknad om opptak og endringar av opphaldstid, skal vere skriftleg og på elektronisk skjema på kommunen si heimeside.
Det er mogleg å søkje på tre ulike alternativ:
- tre faste dagar i veka
- fire faste dagar i veka
- fem dagar i veka
Det kan innvilgast ekstradagar dersom det er ledig kapasitet.
Det er mogleg å søkje om plass i barnehagen utanom hovudopptaket. Då blir plass tildelt når det er ledig plass.
Startdato kjem fram i vedtaket som vert fatta i samband med opptaket.
Opptaket gjeld til og med juli månad det året barnet byrjar på skulen. Ved behov er det høve til å søkje om ekstra dagar fram til skulestart i august.
Dersom barn får innvilga utsett skulestart, beheld barnet plassen i barnehagen utan ny søknad. Føresette må varsle barnehagen innan 1. mars dersom det blir søkt utsett skulestart.
Rett til plass føreset at barnet er fylt eitt år innan den månaden barnet skal starte i barnehagen, og at barnet er busett i Valle kommune ved oppstart.
Barn som er busett utanfor Valle kommune kan, under føresetnad av at det ligg føre ein interkommunal avtale om dekke av utgifter til barnehageplass, tildelast plass for eit barnehageår av gangen etter at alle barn i Valle kommune er tildelt plass og det er ledig kapasitet.