Skulemiljø

Skulen har nulltoleranse for mobbing, vald og krenkjande åtferd §9a-2. 

Aktivitetsplikta sikrar elevane retten til eit trygt og godt psykososialt skulemiljø.

Alle tilsette ved skulen skal:

• Følgje med på elevane sitt psykososiale skulemiljø
• Gripe inn ved krengjande åtferd, vald og mobbing
• Varsle rektor ved mistanke om eller kjennskap til at ein elev ikkje har det trygt og godt.
• Ved mistanke skal skulen snarast undersøkje saka
• Når ein elev ikkje har det trygt og godt skal skulen treffe eigna tiltak for å sikre at eleven oppnår eit god skulemiljø igjen.

Skulen skal sørgje for at alle partar blir høyrd.

Skulen skal lage ein skriftleg plan nrå det skal gjerast tiltak i ei sak. I planen skal det stå:

• Kva prolemet tiltaka skal løyse
• Kv tiltak skulen har planlagd
• Kva tid tiltaka skal gjennomførast
• Kven som er ansvarleg for gjennomføring av tiltaka
• Kva tid tiltaka skal evaluerast

Meld frå om skulemiljøsak HER

5 dyktige fagarbeidarar utgjer Valle skule sitt trivselsteam. Dei samarbeidar med helsesjukepleiar og rådgjevar/miljørettleiar for å skape trivsel i skulekvardagen for alle.

Det er alle tilstte på skulen sitt ansvar for at ditt barn trivast på skulen og har ein god og trygg skulekvardag.Trivselsteamet har eit særleg fokus på elevar som treng litt ekstra vaksenstøtte i periodar. I tillegg arrangerer trivselsteamet ulike felles aktivitetar for barn og vaksen gjennom året.

Populære arrangement som trivselsteamet arrangerer er:

• Frokostklubb for elevar som kjem tidleg til skulen
• Lunsjbuffet for alle trinn
• Brettspel og ulike konkurranser
• Vaffeldagen
• Verdensdagen for psykisk helse
• Aktiv ferie- eit tilbod til elevar på 5-7 trinn i haustferien og vinterferien

Miljøteamet er eit lavterskeltilbod for alle elevar og føresette på skulen. Miljøteamet gir rettleiing og råd i saker der ein er bekymra for eit barn/ungdom med samansette utfordringar.

Alle barn skal bli sett og få den hjelpa dei har behov for når dei har eit behov. Det er viktig at fagkompetansen er så tett på barnet som mogeleg. 

Miljøteamet består av helsesjukepleiar, rådgjevar/miljørettleiar, kultur og fritid, NAV, psykisk helse, barnevernet og PPT. Rektor koordinerer arbeidet i miljøteamet.

Miljøteamet er med på å bygge laget kring barnet og skal bidra til:

• tidleg oppdaging av utfordringar og behov for hjelp; lærevanskar, psykisk og fysisk helse, familiesituasjon eller anna
• at barnet og familien får eit heilskapleg  oppfølgingstilbod så tidleg som mogeleg
• at tverrfagleg skal styrke elevens lærings- og skulemiljø slik at skulekvardagen er trygg, god og gir meistring.
• at fleire gjennomfører vidaregåande opplæring gjennom skulenærvær, tryggleik, motivasjon og meistring

Saker i miljøteamet krev samtykke for tverrfagleg samarbeid frå foreldre.

Ressursteamet er eit lågterskeltilbod med mål om å bidra til tidleg innsats og tverrfagleg fokus på elevar som vekker bekymring fagleg.

Deltakarane skal belyse eleven sin situasjon frå eit fagleg ståtad og skal saman med lærar kome fram til tiltak som kan prøvast ut i for eleven i klassen, på skulen og evt heime.

Faste deltakarar i R- team er PP Tenesten og spesialpedagogisk koordinator og evt rektor.

Deltakarar i enkeltsaker:

Kontaktlærar, føresette kan delta, andre støttetenester ved behov.

Språk og spes ped koordinator:

Marianne Solbakk Lye

E- post: marianne.lye@valle.kommune.no

Oppvekstombodet skal bidra til at alle barn og unge i Agder skal oppleve ein trygg, inkluderande og meiningsfull oppvekst i grunnskulen. 

Les meir på oppvekstombodet i Agder si nettside