Vurderingskriterium
Ved vurdering av stipendbeløp skal følgjande kriterium vektast:
- Resultatoppnåing siste 12 månader
- Trenings-/øvingsfrekvens
- Utviklingspotensial og målsettingar
- Eventuell tidlegare stipendbruk og rapportering
Ved gjentatt søknad frå same utøvar skal det gjerast ei heilskapleg vurdering av utvikling og prestasjonar sidan førre stipend. Søkjarar som ikkje har fått stipend tidlegare skal prioriterast dersom søkjarane elles stiller likt.
Maksimumsbeløp skal berre tildelast ved dokumentert svært høgt prestasjonsnivå og/eller deltaking på nasjonalt/internasjonalt nivå. Det skal alltid vurderast om beløpet står i forhold til innsats og måloppnåing.
Kriterium for idrett
- Utøvar må vere heimehøyrande i Valle kommune
- Resultatoppnåing i større meisterskap (minimum på krets-/regionalt nivå)
- Målretta trening gjennom heile året
- Kortsiktige og langsiktige målsettingar
- Eigenerklæring om haldningar i tråd med Norsk idrettsforbund sine verdiar om antidoping
Kriterium for kultur
- Utøvar må vere heimehøyrande i Valle kommune
- Ambisjonar om å nå profesjonelt nivå innan musikk, dans, scenekunst, kunst eller skrivekunst
- Aktiv kulturutøving gjennom heile året
- Kortsiktige og langsiktige målsettingar
- Det kan tildelast studie-/arbeidsstipend til tidsavgrensa prosjekt
Søknadsprosess
Søknad skal sendast via elektronisk skjema på Valle kommune si heimeside, og søkjar må sende søknad personleg. Søknaden må vere korrekt og fullstendig utfylt. Ved gjentatt søknad skal rapport for bruk av tidlegare stipend og måloppnåing fyllast ut.
Søknadsfrist: 15. mars.
Fagleg vurdering og uttale
Ved tildeling av idrettsstipend skal Valle idrettsråd uttale seg, eventuelt i samråd med aktuelt fagmiljø. Ved tildeling av kulturstipend skal leiar Kultur og fritid uttale seg, eventuelt i samråd med aktuelle fagpersonar.
Prinsipp for tildeling
Tildeling av utviklingsstipend skal vere rettferdig, transparent og basert på fagleg vurdering av noverande nivå og innsats. Det skal leggjast vekt på å støtte unge talent som viser innsats, utvikling og ambisjonar, uavhengig av tidlegare tildelingar.
Stipenda skal føretrinnsvis delast ut ved personleg oppmøte.
Sist revidert av levekårutvalet i PS 14/26, 11.02.2026
Søknadsskjema er berre aktiv frå 1. januar fram til søknadsfristen 15. mars.