Retningsliner for søknader om støtte til ymse tiltak, arrangement og prosjekt
Føremål:
Føremålet med denne støtteordninga er å fremje trivsel og livskvalitet blant innbyggjarane i kommunen ved å støtte opp om lokale initiativ og prosjekt som bidreg til eit aktivt og inkluderande nærmiljø. Støtteordninga skal spesielt:
• Styrkje frivilligheita ved å gi økonomisk støtte til lag og foreiningar som tilbyr aktivitetar og tenester til kommunens innbyggjarar.
• Fremje inkludering og mangfald ved å støtte tiltak som rettar seg mot sårbare grupper og som bidreg til sosial integrasjon.
• Bidra til eit trygt og godt oppvekstmiljø ved å støtte aktivitetar for barn og unge, med særleg vekt på førebyggjande tiltak.
• Stimulere til auka deltaking i kultur- og fritidsaktivitetar ved å gi støtte til arrangement, prosjekt og andre tiltak som gjer kultur- og fritidstilbodet i kommunen meir tilgjengeleg for alle.
• Styrkje kommunen ved å støtte tiltak som bidreg til lokal samfunnsutvikling og som gjer kommunen til ein attraktiv stad å bu og arbeide, og set kommunen på kartet.
• Fremje Setesdalskulturen ved å støtte tiltak som tek vare på og formidlar lokale tradisjonar, kunstformer og kulturuttrykk.
• Fremje kulturell utvikling og kreativt uttrykk i kommunen ved å støtte forfattarar, kunstnarar og andre utøvarar. Dette skal bidra til eit rikt og mangfaldig kulturliv som engasjerer og inspirerer innbyggarane.
Målgruppe/kven kan søkje
• Lag/organisasjon registrert i Brønnøysundregisteret som held til i Valle kommune
• Andre der støtteordninga kan vere av høg verdi i høve formålet
Kriterie:
• Kriteria er lista opp i føremålet
Elektronisk søknad
• Elektronisk søknadsskjema skal nyttast.
Søknaden skal innehalde:
• Skildring av prosjekt/arrangement
• Budsjett som syner inntekter og utgifter, eigeninnsats og eigenkapital
• Søknad om tilskot, samt vedtak hjå andre, for samme formål skal opplysast i søknaden.
Søknadsfrister:
• 1. april
• 1. oktober
• Søknad skal vere registrert i kommunen før oppstart av arrangement eller påbegynt tiltak
Delegering og mynde:
• Politisk handsaming:
o Formannskap: Vedtak innanfor budsjettramme
o Kommunestyret: Ved behov for auke av ramme
Økonomisk ramme
• Til eikvar tid er gjeldande budsjettramme styrande for handsaming og tilråding av søknader
• Andel av totalkostnad:
o Hovudregel 25%.
o I tilfelle der søknaden tilfredstiller fleire av kriteria kan ein høgare andel vurderast.
Rett til å klage
Enkeltvedtak kan påklagast i samsvar med bestemmingar i forvaltningslova