25 danseglade treftest i Spelestoga i Valle!
Det vart ein innartiar av ein oppstart for den såkalla Ungdomsringen i Valle - dans av så mange slag i Spelestoga i regi av Setesdal Spelemannslag og i samarbeid med Valle kommune. 25 danseglade menneske møtte opp til første runde!
Publisert av Ole Birger Lien
Publisert 26.08.2025 10:54
Sist endra 26.08.2025 10:54
25 danseglade treftest i Spelestoga då Ungdomsringen i Valle starta opp. Det er samling kvar tysdag i haust.
Linda Helle
Med ein slik pangstart er det bare å gnu på vidare både for arrangørar og deltakarar! Frå klokka 17-18 er det full rulle kvar tysdag i haust. Instruktørane Maija Lindås, Sigrid Jore og Marit Løyland er klare til innsats.
Frå 8. klasse og oppover
Alle frå 8. klasse og eldre kan delta i opplegget - og folk frå heile dalen er velkomne. Om ein er røynd eller heilt fersk som dansar har ingenting å seie, så lenge ein kjem for å svinge seg!