Anette Brottveit (t.v.) og Annbjørg B. Sagneskar har kontroll på det meste som har med TV-aksjonen i Valle å gjere.
Ole Birger Lien
På Valle skule er elevane som har faget “Innsats for andre” klare til nettopp innsats! Dei skal gå med bøsser sundag, så her må alle ta dei vel imot! I Valle barnehage blir det laga lapskaus for sal 15. oktober. Der kan foresette få kjøpt seg middag mellom klokka 14.30-15.30. Dei minste avdelingane har også laga eplemost for sal, og den eldste avdelinga har ei overrasking for sal. I Hylestad barnehage er 16. oktober den store lapskausdagen. Der blir det også råd å få kjøpt seg rognebærgele og figurar av trolldeig.
Kyllingsuppe
På kommunehuset i Valle blir det kyllingsuppe, focaccia og kake for sal 17. oktober. Då er det leiar velkomst Gunn Marith Homme som er sjefkokk. Alle som kjem til lunch den dagen kan få kjøpt seg ein porsjon.
– Sjølve innsamlingsdagen går bøsseberarane rundt i kommunen frå 12-14. Dei som går med bøsser får kake for innsatsen når dei er ferdige med runden, seier Anette Brottveit i Valle kommune.
Vipps: 2133
Kontonummer: 8380 08 09005
Kontonummer ved bestilt faktura med KID: 1503 60 97431
SMS med kodeord TVA til 2133 (300 ,-)