Alt klart for påskemøte mellom Valle kommune og hyttefolket

Valle-ordførar Lars Tarald Myrum (t.v.) og kommunedirektør Vidar H. Homme ser fram til påskemøte onsdag 27. mars. Ole Birger Lien

Ordførar Lars Tarald Myrum og kommunedirektør Vidar H. Homme tar imot før programleiar for dagen, leiar kultur i Valle kommune, Torunn Charlotte Nyberg, tar over. Frå kommunen kjem elles også representantar for teknisk eining, helse og kommunikasjon.

Næringsliv og hjelpekorps

Frå Brokke AS kjem Merete Austad. Bjørnevatn løypelag er med, og Vennesla Røde Korps hjelpekorps, som er i sving i Brokke i påska, tar turen. Politiet er klar, Dag Hovden fortel om beredskap og anna relevant, og kommuneoverlege i Valle og Bykle, Kjetil Juva, tar for seg helseapparatet som skal handtere behovet til både fastbuande og tilreisande. Frå kyrkja kjem Bjørgulv T. Berg for å vere med.

Mange tema

Av tema som blir aktuelle er alt frå kva har skjedd sidan sist påskemøte til informasjon om løyper, arrangement i påska, kommunen med auka satsing på kommunikasjon og mykje, mykje meir. I siste del av møtet blir det opna for spørsmål og innspel. Det blir enkel servering i løpet av samankomsten.