Farevarsel for flaum i Agder og på Austlandet i helga
Varsom.no har sendt ut varsel om flaumfare i Agder og store deler av Austlandet frå kvelden fredag 3. oktober og fram til morgonen sundag 5. oktober.
Publisert av Ole Birger Lien
Publisert 02.10.2025 13:02
Sist endra 02.10.2025 14:02
Varsom.no
På grunn av at det er venta store nedbørsmengder blir det åtvara om auka risiko for flaum og erosjonsskadar i både bekkar og elver. Rådet til folk flest er å halde seg oppdatert, sikre ekstra utsette arealar som til dømes kjellarar, renske stikkrenner og kummar og sjølvsagt halde seg på god avstand frå område med overvatn og flaum. Risikoen skal avta frå 07-tida sundagsmorgonen.
HER KAN DU LESE MEIR
Ekstremveret Amy
Det kjem også melding om ekstremveret Amy med ekstreme vindkast på opp mot 40 m/s i landsdelen i helga - så mange grunnar til å fote seg litt forsiktig, med andre ord!