Firemannsbustaden i Leite i Valle på veg opp
Firemannsbustaden Valle kommune set opp i Leite i Valle i desse dagar, skal vere ferdig til våren. Det betyr fire nye bustader til utleige.
Publisert av Ole Birger Lien
Publisert 24.10.2025 09:11
Sist endra 24.10.2025 09:11
Firemannsbustaden i Leite i Valle er på veg opp. Bygget skal vere klart på vårparten neste år.
Eik Prosjekt AS
Ytterveggselement er montert for underetasjen og 1. høgda, og no kjem også takstolane på plass. I løpet av oktober skal taket vere ferdig, og ein kjem også i gang med planering utomhus denne og neste veke.
20 mill. kr.
Det er Evje Bygg AS som er hovudentreprenør for prosjektet til kring 20 mill. kr. Bygget gjev altså fire einingar, to på kring 70 kvm, og to på om lag 90 kvm. Det er planlagt kranselag i november, så skal altså firemannsbustaden vere innflyttingsklar på vårparten neste år.