Folk i Vallebygda må koke vatnet inntil vidare

Folk i Vallebygda må koke vatnet inntil vidare. Årsaka er at det er oppdaga bakteriar i fleire vassprøver. Ole Birger Lien

Leiar teknisk eining i Valle kommune, Magnus Berg, seier at det er uklårt kor lang tid det vil ta før ein kan bruke vatnet utan å koke det.

– Me er no i gang med å kartleggje situasjonen, og arbeider for fullt for å få den vanlege, gode vasskvaliteten me er vande med. Så fort kvaliteten er god att, må me også bruke litt tid på testing før me gjev klarsignal, seier han.

Vatnet kan bli misfarga

Vatnet som kjem ut av springen kan bli misfarga. Det er på grunn av at teknikarar no skal feilsøke og spyle i leidningsnettet.

– Viss ein får brunt vatn skal ein bare la det renne til det klårnar opp, seier Berg.