Ut på tur i Valle skule som del av tverrfagleg prosjekt.
Valle skule
I januar/februar kvar år har skulen ein fire til seks veker lang tverrfagleg periode med eit prosjekt kalla Livsmeistring.
– Alle elevar, frå 1. til 10. klasse, er med. Så blir sjølvsagt opplegget tilpassa alder, seier rektor Marit Jaabæk Brokke.
Helse og gode val
Fokusområde i Livsmeistring er fysisk aktivitet og helse, psykisk helse, å ta gode val på vegne av seg sjølv og andre, seksuell helse og dessutan temaet rus/sjølvdrap.
– Ungdomsskulen har nytta Rådebank, som tar opp temaet sjølvdrap. I tillegg hadde me lokale krefter med sin historie og kompetanse som pårørande, seier Jaabæk Brokke.
Heile opplegget blir altså gjennomført tverrfagleg, samarbeid er nøkkelord. Psykisk helse i Valle og Bykle, helsesjukepleiar, LMT, politiet og programmet Delbart, som handlar om deling av bilete på sosiale mediar. Mat, helse og gode val er viktige område i satsinga Valle skule altså gjennomfører kvart einaste år.
Aktivitet i hallen var del av dei tverrfaglege veke.
Valle skule
Spel om kjensler.
Valle skule