Birgitte Haugeland i Valle kommune klar med Bygdenytt for juli og august, som alle fastbuande i kommunen no får i postkassa.
Ole Birger Lien
Også tidlegare vart Bygdenytt levert til alle i kommunen, men etter ei endring for nokre år sidan var det bare dei som registrerte seg for heimlevering som fekk bladet i postkassa ein gong i månaden.
– No innfører me utlevering til alle enkelt og greitt fordi me ynskjer å vere på tilbodssida og sjå til at alle skal få like god tilgang til informasjonen. Me har mange greie nettløysingar i Valle kommune, men me veit samstundes at ikkje alle er digitale. Det tar me på alvor. Me ynskjer å sikre at me får fram alt av nyttig informasjon til alle, seier leiar velkomst i Valle kommune, Gunn Marith Homme.
Frå juli av
Den nye ordninga er gjeldande frå og med dobbeltutgåva for juli og august, som går ut i desse dagar.
– I alt leverer me ut 800 eksemplar. No håpar eg mange finn mykje interessant å lese om, seier Homme.
Det er Setpro avdeling Valle som tar seg av utkøyringa.