Frå open idrettshall til forfattarbesøk, oppvekstseminar og dikt i Valle denne veka!

Alexander Read kjem til soknehuset på Rysstad 15. november. Athenas AS

Det tettpakka programmet tar til i Valle i ettermiddag torsdag 13. november med Kilden-vitjing i Sæbyggjen klokka 19. Skodespelar Fredrik Høstaker kjem for å både fortelje om og lese dikt av Jacob Sande. I tillegg til lyrikken får ein servert kaffi, te og twist. Inngong kostar 150 kr., men ungdom til og med vidaregåande skule slepp inn gratis. 

Om born og oppvekst i soknehuset

Laurdag 15. november frå klokka 10 til 14 er det klart for It takes a Village i soknehuset på Rysstad. Arrangementet skal handle om born og oppvekstvilkår med aktørar som folkehelsedirektør Vegard Nilsen, lærar Karianne Amlie Wahlstrøm om “Små handlingar - store forskjellar”. og friluftsmann kjent frå TV2,  Alexander Read. I same tidsromet som arrangementet i soknehuset har Setesdalsmuseet ope for born og unge. Der kan dei måle tekstil på handlenett, og det kan også bli ein film i løpet av dagen.

Forfattarbesøk

Også førstkomande sundag ventar det program i Valle kommune. Vallehalli er open frå 11-14 for alle som vil, og forfattar Fartein Horgar vitjar Sæbyggjen klokka 17-18. Horgar (f. 1955) vaks opp som tredjegenerasjons misjonærbarn på Madagaskar då øya framleis var ein fransk koloni. Han debuterte som forfattar i 1980 med diktsamlinga «Nattedikt og morgehud», og har sidan den gongen gitt ut ei rekkje bøker. Horgar har mellom anna skriva «Vestindiakvintetten», og no er han aktuell med boka «kolonistana - forteljinga om eit erobringstokt, bygd på verkelege hendingar».