Gratis strøsand både i Valle og Hylestad gjennom vinteren

Ordninga har blitt gjennomført i fleire år, og er svært populær.

– Tidlegare har me hatt eige sandlager, men no har me eit samarbeid med Statens vegvesen om dette i Valle. Det vart litt spørsmål om me då ikkje deler ut sand gratis, men det gjer me altså likevel, seier leiar teknisk avdeling i Valle kommune, Magnus Berg.

Døgeret rundt

Det er råd å hente seg sand på Øyne døgeret rundt, og vinteren gjennom. Det same gjeld sandkassane som no har blitt plassert ut ved reinskeanlegget på Rysstad. Tanken er at ein henter seg bøttesvis, ikkje kjem og fyller hengaren.