Valle kommune etablerer byggjeskikkpris.
Valle kommune
Målet med byggjeskikkprisen er å stimulere byggjeskikk både til nybygg, istandsetting og endring av eksisterande bygningsmiljø. Det skal leggjast vekt på både innvendige og utvendige kvalitetar. Byggjeskikknemnda består av leiar Margit Dale, og medlemmene Knut H. Rysstad og Kristin Nomeland. Prisen er på 50.000 kr., plakett og diplom.
Utdeling 17. mai
Har du forslag til kven som fortener prisen? Då kan du sende forslaget HIT innan 1. mai- og merk eposten byggjeskikk.
Den høgtidelege utdelinga av prisen skal altså gå føre seg på sjølvaste nasjonaldagen.
Skal stimulere til god byggjeskikk
Målet med prisen er altså å stimulere til god byggjeskikk. Prisen kan tildelast ein eller fleire personar. Arkitektar, konsulentar og handtverkarar som har vore involvert skal omtalast. Det er i utgangspunktet ikkje bygg og andre kulturminne som er sett i stand med vesentleg offentleg støtte som er aktuelle for prisen, men først og fremst privat satsing. Byggjeskikkprisen kan delast ut kvart fjerde år så sant nemnda finn ein verdig vinnar.