Hugs møte om brøytekontraktar på kommunehuset i Valle i kveld!
Valle kommune sine brøytekontraktar går ut i april i år, og det nærmar seg at nye anbod for perioden frå hausten av og i fem år framover skal lysast ut. Men før den tid skipar kommunen til dialogmøte med aktuelle tilbydarar. Møtet er i kommunestyresalen i kveld torsdag 19. februar klokka 18.
Publisert av Ole Birger Lien
Publisert 19.02.2026 11:17
Sist endra 19.02.2026 11:17
Pixabay
Det er i alt tre roder som skal lysast ut - to i Valle og ei i Hylestad.
– På møtet presenterer me detaljane rundt anbodstevlinga, og seier også litt meir om vidare gang i saka, seier Geir Helge Solheim i Valle kommune.