Bibliotekar Aud Kjersti Torbjørnsen seier at lokale lånekort som ikkje har vore i bruk dei siste to åra snart blir sletta. Nytt nasjonalt lånekort er det enkelt å få på biblioteket i Valle.
Ole Birger Lien
Årsaka til at ein del lokale lånekort blir sletta er at ein ynskjer ikkje “daude” kort med inn i det nye systemet.
– Mange har budd her i ein periode, og fekk lokalt lånekort. Så har dei reist, og kortet er ikkje i bruk. Andre har slutta å lese bøker, eller i alle fall ikkje nytta kortet sitt dei siste to åra. Slike kort blir altså ikkje med vidare, seier Torbjørnsen.
Kjapt å få nytt kort
For den som vil ha lånekort, er det nasjonalt lånekort som gjeld. Dette er gratis, og ein får det kjapt og enkelt på biblioteket i Valle.
– Hugs bare at ein må ha med seg legitimasjon. Nasjonale lånekort kan ein nytte rundt om i heile landet, og det er slike kort ein må ha når me etter kvart går over i skybaserte tenester, seier Aud Kjersti Torbjørnsen.