Rådgjevar næring og forvaltning Åse Ingebjørg Flateland og kommunedirektør Vidar H. Homme på Valle kommune sin stand på sauesjå.
Valle kommune
Standen var skipa til både fordi det i prosessane knytta til kommuneplanen og kommunedelplan Brokke er eit viktig moment med medverknad, og fordi kommunen skal vedta eit høyringssvar til tiltaksplan for villrein og ynskjer å få bygdefolket i tale før svaret blir endeleg utforma.
– Då er det svært positivt å sjå at såpass mange ville innom. Engasjement og medverknad går hand i hand. Jo fleire som bidrar, jo meir forankra blir resultatet, seier kommunedirektør Vidar H. Homme.
Ulike høve til medverknad
På sauesjå kom mange innspel som kommunen tar med vidare i dei ulike prosessane. Standen var eit av fleire tiltak for å sikre medverknad - ein har tidlegare skipa til alt frå innbyggjarverkstader til opne folkemøter - alt etter om det har handla om planprosessar eller villrein. Høyringsfristen på tiltaksplanen for villrein er 31. oktober. Kommunestyret handsamar saka 29. oktober.