Mange med på ordførarturen i Rysstad turpark!

Valle-ordførar Lars Tarald Myrum (lengst til høgre) fekk mange med seg til Rysstad turpark sundag. Valle kommune

I Rysstad turpark er det så mang ein sti og trase i skogen, langs bekkar og oppetter liene at den som vil trimme der skal ha nok å velje i. Sundag var det gapahuken som var endestasjon. Eit tredvetals menneske samla seg, og kommunedirektør Vidar H. Homme slo til med nygrilla pylser.

– Ein flott tur i makelaust terreng med ei fin gruppe. Dette var ein god måte å bruke ein sundags ettermiddag på, seier ordførar Lars Tarald Myrum.