Næringsplan i Valle truleg i kommunestyret i mars
Forslag til komplett næringsplan med handlingsdel i Valle kommune er klar, og tysdag sette kommunen seg ned med lokalt næringsliv for å få innspel før saka skal vidare til politisk handsaming.
Publisert av Ole Birger Lien
Publisert 15.02.2024 12:29
Sist endra 22.02.2024 08:31
Kommunestyret i Valle får truleg ny næringsplan til politisk handsaming i mars.
Ole Birger Lien
I januar 2023 vedtok kommunestyret at arbeidet med ny næringsplan skulle settast i gong. Så er prosjektet arbeidd fram, og det har mellom anna blitt gjennomført spørjeundersøking i næringslivet. Tysdag sette Valle kommune seg ned med lokalt næringsliv for ein siste gjennomgang før prosessen går vidare. Næringsrådgjevar Kay Arne Søgård hadde ein gjennomgang av planen.
– Gode tilbakemeldingar
– Me fekk gode tilbakemeldingar frå dei næringsdrivande. Planen vart gjennomgått i formannskapet torsdag, og det blir truleg politsk handsaming med endeleg godkjenning i kommunestyret i mars, seier kommunedirektør Vidar H. Homme.