No kjem det nytt toalettanlegg ved Marhyl i Hylestad.
Geir Helge Solheim
Det er Brokke bygg AS som har arbeidet med å byggje det nye sanitæranlegget. Nomeland maskin AS har hatt grunnarbeidet, og skal også leggje vatn, avløp og straum til bygget. Brokke VVS har det innvendige røyrarbeidet og Elektromesteren har det elektriske.
– Bygget får eit handicap-toalett med stellebord, eit toalett for begge kjønn og dessutan eit lite lager for teknisk drift og reinhald, seier Geir Helge Solheim i Valle kommune.
Varmekablar
I golvet er det lagt varmekablar, og no er bygget ferdig utvendig.
– No står det att å leggje vatn, avløp og straum, og dessutan gruse uteområdet. Prosjektet skal stå ferdig til sommaren, seier Solheim.
Valle kommune har sett av 1,5 mill. kr. til det nye anlegget.