Oransje farevarsel for styrtregn torsdag ettermiddag og kveld

Det er frå torsdag klokka 13 og fram til midnatt at faren for styrtregn er størst. Farevarselet kom ut i går som gult varsel om både mykje lyn og styrtregn, men er no altså oppjustert, i alle fall med tanke på regnet. På X skriv MI at det kan kome så mykje som 30-35 mm nedbør på ein time. Slike mengder kan føre til flaum, vatn i kjellarar, overvatn i tettbygde område og ikkje minst vanskelege køyreforhold.

Hald deg oppdatert

Det kan vere lurt å halde seg oppdatert om utviklinga, til dømes via yr.no. Stikkrenner og avløp bør renskast. På vegvesen.no/trafikk kan ein halde seg oppdatert på køyreforholda.