Siste dag for drop in-vaksine i Valle er 4. november!

Tysdag 4. november er siste dag for den som vil droppe inn på legekontoret og sikre seg vaksine i haust. Årleg influensavaksine er tilrådd for alle som er 65 år og eldre, dei under 65 år som har kroniske sjukdomar eller annan risiko, gravide i 2.- og 3. trimester og ikkje minst helsepersonell.

Publisert av Ole Birger Lien
Publisert 30.10.2025 08:28
Sist endra 30.10.2025 08:28

Vaksinering i Valle har gått føre seg på Valle helsestasjon 21. og 24. oktober, og det er vaksinering der i dag 30. oktober. Då er det bare att ein drop in-dag, tysdag 4. november. Dei som allereie har bestilt vaksine, vil få SMS med dato og klokkeslett. Dei som ikkje har bestilt enno, kan kontakte Valle legekontor for å avtale tid. Påminning blir sendt til alle over 65 år som ikkje har vaksinert seg innan 15. november

 Eigenandel

Siste dag for drop in-vaksinering i Valle i haust er tysdag 4. november.
  • Oppmøte: 65 kr (gratis med frikort)
  • Influensavaksine: 101 kr
  • Koronavaksine: 85 kr
  • Pneumokokkvaksine: 110 kr

 

Her er informasjon om andre vaksiner:

Koronavaksine (oppfriskingsdose)
Tilrådd årleg for:

  • Personar som bur i omsorgsbustader og sjukeheimer 
  • Aldersgruppa 75 år og eldre 
  • Personar mellom 18-74 år som høyrer til ei risikogruppe
  • Barn mellom 12-17 år med alvorleg grunnsjukdom

Pneumokokkvaksine

  • Tilbod til alle som fyller 65 år i løpet av året
  • Vernar mot alvorleg lungebetennelse og blodforgifting