Uteområde og parkering ved nye Valle kultursenter ferdig tidleg i oktober

Skisse: Prosjekthuset AS

I vekene som kjem skal det gravast grøfter på sørsida av idrettshallen, langs nordsida av SFO og bort til barnehagen. I grøfta skal mellom anna energirøyr og røyrleidning til brannhydrant. Det blir sett opp sikring og gjerde den veka arbeidet blir gjennomført - 1.-5. september. Medan arbeidet går føre seg vil skulen nytte inngongen mot aust. Inngong i sør er open for publikum i heile graveperioden.

Ferdig uteområde

I veke 39-40 held grøftearbeid fram mellom anna på vestsida av skulen og nordover. Også i denne bolken blir det sikring rundt området. Uteområdet og parkeringsplass skal vere ferdig opparbeidd og asfaltert tidleg i oktober - då blir det fleire parkeringsplassar tilgjengeleg for tilsette ved skulen. PK entreprenør skal vere ferdig med sitt arbeid i slutten av februar neste år. Så skal byggherren, Valle kommune, flytte innutstyr og møblar slik at nye Valle kultursenter kan takast i bruk til våren.