No kjem det gateljos i gamle Åsan grendefelt på Rysstad.
Ole Birger Lien
Det skal også gateljos på plass i bustadfeltet Leite i Valle, og i Homme. I Leite skal 16 ljosmaster opp, og dei eksisterande ljosa i feltet blir rigga for LED-ljos. I Homme skal sju ljos på plass. I tillegg skal det gravast og riggast 10 ljos i Brokke.
Åsan ferdig før ferien
I Åsan grendefelt er det den gamle delen av bustadfeltet som no får dekka siste strekninga som var utan gateljos.
– Nomeland maskin AS har graving og det som høyrer til, Knut Hovet installasjoner AS har det elektriske, seier Geir Helge Solheim i Valle kommune.
Arbeidet som no har kome i gang i Åsan grendefelt skal vere ferdig før ferien.
– Også i Leite er me i full gang, så kjem resten fortløpande, seier Solheim.
I Åsan grendefelt skal det no monterast i alt 20 ljosmaster.
Ole Birger Lien