Ytterveggane på veg opp på nye Valle kultursenter.
Ole Birger Lien
Alt av innheising og montasje har gått på skinner, nord- og austfasaden skal få trekledning i gråfarge. I U-etasjen er skiljeveggane på veg opp.
– Det går også føre seg ulikt betongarbeid, seier prosjektleiar Tone Straume Wikeland i Prosjekthuset AS.
Takelementa på bygget skal monterast i veke 23.
Stort prosjekt
Nye Valle kultursenter, kostnadsberekna til 85 mill. pluss moms (momsen får kommunen tilbake). Det skal byggjast om lag 1400 kvm i det nye kultursenteret. Aktivitetssalen blir på om lag 350 kvm, med amfitribune og dessutan plass til folk på golvet. I tribuna blir det plass til 200 personar. Totalt i salen kan ein få inn minst 240 personar.