Trollvegg Arkitektstudio AS og Prosjekthuset AS varslar, på vegne av Jan Asbjørn Uppstad, oppstart av privat detaljreguleringsplan for Gardevatn Aust, planID 202502, i Valle kommune, i medhald av plan- og bygningslova (PBL) § 12-3 og 12-8. Det blir samstundes varsla om oppstart av forhandling om utbyggingsavtale.
Avgrensing av planområdet Planområdet omfattar delar av gnr./ bnr. 68/8 og delar av 68/5 ved Gardevatn i Valle kommune. Fritidsbustadene vil liggje på 68/8, i tråd med kommuneplanens avgrensing, medan det blir etablert tilkomstveg via 68/5. Planområdet ligg nordaust for Myklevatn, med tilkomst frå Suleskarvegen og Greinevegen. Planområdet er på ca. 125 daa. Under planarbeidet vil området bli meir avgrensa.
Målet med planarbeidet Formålet med planen er å regulere 13 lågstandardhytter med tilhøyrande tilkomst. Hyttene vil liggje innanfor LSF61 i kommuneplanen. Deler av tilkomstvegen vil liggje i LNF-område. Plangrensa legg til rette for å vurdere to ulike alternative tilkomstvegar/ samband mellom Gardevasstøylen og Gardevatn Aust.
Overordna planstatus og oppstartsmøte I kommuneplanen er området sett av til spreidd bustadbygging (LSF61). Kommuneplanens føresegner angir moglegheit for 13 einingar i området. Tilkomstvegen er sett av som LNFR. Kommunestyret vurderte 28.05.2025 at planinitiativet er i tråd med kommuneplanen, og at det kunne haldast oppstartsmøte. Oppstartsmøte vart halde 10.06.2025 med Valle kommune. Kommunen tilrår oppstart av planarbeid.
Konsekvensutgreiing Kommunen har sett krav om konsekvensutgreiing på bakgrunn av nye nasjonale forventningar som legg stor vekt på å ta vare på naturområde. Det vil difor bli utarbeidd konsekvensutgreiing for naturmangfald.
Utbyggingsavtale Det blir samstundes varsla at det blir sett i gang forhandling om utbyggingsavtale for dei aktuelle områda. Avtalen(e) gjeld mellom berørte partar (utbyggar/ grunneigar og kommunen) og regulerer forhold omkring utbygging av området.
Innspel, samråd og medverknad Dette brevet blir sendt til alle grunneigarar, berørte naboar og offentlege styresmakter for at dei skal få høve til å kome med sine kommentarar. Spørsmål og eventuelle skriftlege kommentarar, merknader, opplysningar m.v. som kan ha tyding eller interesse for planarbeidet kan sendast innan 29.08.2025 til:
E-post: Plan@trollvegg.no
E-post merkast med «Detaljregulering for Gardevatn Aust – innspel» i emnefeltet Trollvegg Arkitektstudio AS v/ Simon Stulien Markens 13-15, 4611 Kristiansand
Sjå au på arealplaner.no