Heimebaserte tenester

Heimesjukepleie er ei teneste som skal legge til rette for at flest mogleg kan bu i eigen heim. Heimesjukepleien gir hjelp og rettleiing til eldre, sjuke eller personar med funksjonsnedsetting som bur heime.    

Mål:
Alle som bur, eller mellombels oppheld seg i kommunen, og som på grunn av helsesvikt har behov for helsehjelp, kan få vedtak om heimesjukepleie.  

• Gje tenestetilbod på rett nivå ut frå individuell kartlegging av tenestemottakar sine behov.
• Førebygge, behandle og legge til rette for meistring av sjukdom, skade, liding og nedsett funksjonsevne.
• Tenestemottakar klarer seg i eigen bustad med nødvendig hjelp 
• Behov for plass på institusjon vert unngått eller utsett 
• Eksempel på tenester er sårskift for dei som har vanskar med å kome seg til legekontoret,medisinering i dosett, injeksjonar, hjelp til personleg hygiene med meir.

Kriterier:

Tenesta vert tildelt personar som bur eller oppheld seg i kommunen og som oppfyll kriterium for å få nødvendig helsehjelp. Du må heilt eller delvis ha behov for hjelp til å ta i vare eiga helse på ein fagleg forsvarleg måte 

Tenesta er behovsprøvd og tidsavgrensa 

Heimesjukepleie er ei gratis teneste.

Heimehjelpsordninga skal bidra til at eldre og personar med funkjonsnedsetting som treng hjelp og opplæring skal kunne bu lengst mogleg i eigen bustad. Endring i tenesta kan førekome i samband med sjukdom og ferieavvikling. 

Mål

Praktisk bistand er for personar som har behov for hjelp til daglege gjeremål, til dømes husarbeid. 
Personar med nedsett funksjonsevne får nødvendig hjelp slik at dei skal kunne bu heime lengst mogleg.

Kriterier

Søkjar må grunna sjukdom, nedsett helse eller funksjonsnedsetting ha behov for hjelp til å ivareta nødvendig stell av eigen bustad

Det vert vurdert om andre i husstanden kan utføre husarbeidet

Opplysning om tenesta

• Tenesta vert utført på kvardagar
• Tenesta vert utført i samsvar med vedtaket, og reingjering vert vanlegvis utført i 1-2 timar annakvar veke
• Heimehjelp vert ikkje utført på helg og høgtidsdagar
• Tenesta inkluderer hjelp etter behov til:

               - Vanleg reinhald av rom som dagleg er i bruk; støvtørk, golvvask, støvsuging og vask av bad/toalett. 
               - Innvendig reinhald av kjøleskap og mikrobølgeomn
               - Skifte av sengeklede
               - Sette inn, starte og tøme oppvaskmaskin
               - Vask av klede i vaskemaskin og hjelp til å henge opp

Tenesta inkluderer ikkje:

• Risting av mange eller store/tunge golvteppe
• Storreingjering  
• Rydding og reingjering av rom som ikkje er dagleg i bruk
• Førebuing til besøk eller opprydding/oppvask etter gjester
• Reingjering av trappar, gangar eller andre fellesareal i burettslag
• Snømåking
• Hjelp til dyrehald
• Flytting

Pris for tenesta:

Her finner du gebyrlista 2024

Rettleiing  

Du kan vende deg til kommunen dersom du har spørsmål eller treng hjelp til å søkje om tenesta. Dersom ein anna søkjer på vegne av deg må det kome fram i søknaden at det er gjeve fullmakt.  

Lov og forskrift

Lov om kommunale helse– og omsorgstjenester § 3-2, 6 b. 
Lov om pasient- og brukerrettigheter § 2-1 a. 

Kvardagsrehabilitering er rehabilitering og førebygging i brukaren sin eigen heim, der målsetjinga er auka livskvalitet og eigenmeistring. 

Kvardagsrehabilitering er intensiv og tidsbegrensa. Fokuset er trening i daglege gjeremål i eigen heim. Eit tverrfagleg team gjer ei systematisk kartlegging. I samarbeid med deg blir det utarbeida mål, som du tykkjer er viktig å meistre i din kvardag 

Målgruppe

Du som

• Søkjer helse- og omsorgstenester for fyrste gong, eller søkjer om meir teneste 
• Opplever utfordringane i kvardagen etter sjukdom/skade 
• Opplever ein reduksjon i funksjonsnivå, eller har risiko for å miste funksjon 
• Er motivert til å klare deg sjølv 
• Ynskjer å vere aktiv og bu heime 

Du kan vende deg til kommunen dersom du har spørsmål eller treng hjelp til å søkje om tenesta. Dersom ein anna søkjer på vegne av deg må det komme fram i søknaden at det er gjeve fullmakt.  

Avlasning er eit tiltak for å hjelpe den pårørende og pasient/brukar som har eit særs tyngande omsorgsarbeid.

Tilbodet kan gjevast i og utanfor eigen heim, som til dømes med dagtilbod.

Avlastning er for å avlaste pårørande, slik at dei kan klare omsorgsoppgåvende lengst mogleg, samt gje høve til å delta i samfunnet på normalt vis, hindre utmatting og gje tid til å ivarta familierelasjonar og soailat nettverk.

Målgruppe

Du har eit langvarig og tyngande omsorgsansvar til ei/ein som tilhøyrer same husstand.

Bistanden har så store omsorgsoppgåver at omsorgspersonen ikkje har høve til å delta i samfunnet på normalt vis eller ha rom for normal fritid/ferie/sosialt nettverk.

Kriterium/vilkår

Personen som får avlasting, må ha eit særleg tyngjande omsorgsarbeid i heimen. Omsorgsarbeidet innebær mykje nattarbeid eller avbrot i nattesøvn.

Omsorgsarbeidet er meir fysisk eller psykisk belastande enn vanleg.

Pris for tenesta

Avlastning er gratis

Brosjyrar, dokument, kart og liknande

Lenke til verdighetsgarantien

Lover

Kommunen pliktar å sørgje for denne tenesta, jf. helse- og omsorgstenestelova § 3-2.

Forvaltningsloven 
Helse- og omsorgstjenesteloven 
Kvalitetsforskrift for pleie- og omsorgstjenestene 
Verdighetsgarantiforskriften 
 

Hukommelsessvikt og demens

Hukommelsessvikt kan vere ein normal aldersforandering, men i nokre tilfelle kan det vere teikn på anna sjukdom eller demens.

Demens er ein fellesnemning for ei gruppe sjukdomar i hjernen som stadig fleire vert ramma av.

Tildeg utgreiing og diagnostisering er viktig slik at årsak til svikten og rett tiltak vert iverksett for brukar og pårørande.

Teikn på demens kan vere:

• Hukommelsestap som påverker arbeidsevna
• Problem med å utføre vanlege oppgåver
• Språkvanskar
• Desorientert i forhold til tid og stad
• Svekka dømekraft
• Problem med abstrakt tenking
• Feilplassering av gjenstandar
• Forandring i humør og adferd
• Adferdsforandringar
• Tap av initiativ
• Problem med å følgje opp økonomiske forhold 

Hukommelsesteamet

Hukommelsesteamet er sett saman av fagpersonar som samarbeider med fastlege, heimetenesta, inntaksteam og anna helsepersonell i kommunen.

Vi ynskjer å hjelpe enkeltpersonar over 65 år, og deira familiar der det er mistanke om begynnande hukommelsessvikt/demens.

Teamet kan bistå med:

• Utgreiing for å kartlegge om problemet skuldast demens. Den kartlegginga som vert gjort er ofte ledd i ei vidare utgreiing. Det er derfor viktig at det er samarbeid med fastlege heile vegen.
• Gje råd og rettleiing
• Kartlegging av behov for hjelp
• Gje oversikt over tenestetilbodet frå pleie- og omsorgstenesta
• Tilrettelegge i daglege aktivitetar (inkludert hjelpemidlar)
• Systematisk oppfølging
• Årlege kurs for pårørande

Vi kjem også på hjemmebesøk etter ønskje frå brukar sjølv eller pårørande. Ved besøket er det ønskjeleg om pårørande kan vere tilstade.

Kven kan kontakte oss?

• Enkeltpersonar, pårørande og vener
• Fastlegen
• Anna helsepersonell
• Dei som alt har fått ein demensdiagnose i nær familie 

Kontaktinformasjon Hukommelsesteamet:

Signe Telhaug  

Koordinator             Tlf.  945 20 970

Gerd Torhild Helle Aakhus

Kontakt Valle            Tlf. 970 82 893

Fastlegen din kan også formilde kontakt.

Vi har taushetsplikt! 

For meir informasjon:   DEMENSLINJEN  tlf. 23 12 00 40  ope måndag – fredag  kl. 09:00-15:00 

Kreft og palliasjonssjukepleiar

Valle kommune har ressurssjukepleiar innan kreft og palliasjon.

Ingvild Loise Lund er palliativ sjukepleiar med lang erfaring og har eit brennande engasjement for fagfeltet.

Målet for arbeidet er å bidra til at pasientar og pårørande opplever tryggleik, kontinuitet, tett oppfølging og god symptomlindring i sjukdomsforløpet uavhengig av om pasienten er heime eller innlagt i institusjon

Å leve med kreftsjukdom kan vere vanskeleg både for den som er sjuk og for pårørande.

Palliativ behandling, pleie og omsorg er ein tilnærmingsmåte med formål om å betre livskvaliteten til pasientar og deira familiar i møte med livstrugande sjukdom, gjennom førebygging og lindring av lidelsar ved tidleg identifisering, grundig kartlegging, vurdering og behandling av smerte og andre problemer av fysisk, psykososial og åndeleg art

Kva kan ressurssjukepleiar gjere for deg og dine næraste:

• Koordinering av tenester og bidra til samhandling mellom nivåene i helsetenesta for den enkelte pasient (kommunehelseteneste, spesialisthelseteneste, kreftkoordinator, fastlege)
• Pakkeforløp kreft i samarbeid med kreftkoordinator
• Behandling og oppfølging av pasient og pårørande
• Være ressursperson for pasient og pårørande
• Heimebesøk
• Kartlegging
• Samtale
• Tilrettelegging i heimen
• Hjelp med aktuelle søknader

Dersom du skulle ha behov for å høyre meir om kva ho kan hjelpe med ønskjer me å ha låg terskel for kontakt. Tenesta er gratis.

​Kontakt

​Valle kommune

​v/palliativ sjukepleiar

​Ingvild Loise Lund

​ingvild.lund@valle.kommune.no

​Mob: 926 19 740

​

​Pleie og omsorg

​v/Leiar Solveig Kyrvestad

​solveig.kyrvestad@valle.kommune.no

​Mob: 912 47 155

Vaktmeistar kan komme heim til deg å hjelpe med enkle, praktiske gjeremål, slik som mindre reparasjoner og vedlikehaldsarbeid. Hjelp til å montere eller fjerne hjelpemiddel eller få innstallert ein tryggleiksalarm.

Målgruppe:

Du som har heimeteneste og har behov for vaktmeistarbistand.  

Lovheimel:

Det er ikkje ei lovpålagt teneste

Kontakt:

Ta kontakt med heimetenesten eller leiar

Pris:

Her finner du gebyrlista 2024

Kjøkkenet leverar middag til heimebuande som har trong for det etter søknad. 

Betaling etter eigne satsar som du finn i lista under.

Her finner du gebyrlista 2024