Steg 1 - Uro oppstår

Kven skal gjennomføre stega i denne handlingsrettleiaren?

I utgangspunktet skal den som er uroleg for barnet gjennomføre stega i denne handlingsrettleiaren. Det er viktig at det er avklart med di arbeidsplass kven som har ansvaret for prosessen. Til dømes kan det være kontaktlærar eller pedagogisk leiar som har ansvaret for gjennomføring, vurdering og dokumentasjon. Du må aldri sleppe ei uro eller handteringa av den uroen før du er sikker på at nokon handterer dette vidare.

Når startar prosessen?

Så snart ein er uroleg for eit barn, er det viktig å undre seg over kva denne uroen kjem av (årsaken) og kva vi kan gjere for å hjelpe. Det er viktig å hugse at barn skal ha rett hjelp til rett tid – då er det viktig å ikkje la verdifull tid gå til spille. Vi må derfor ta tak så fort ein kjenner sjølv, eller får kjennskap til, at noko er gale eller at eit barn har det vanskeleg.

Handtering:

• Vi kan av og til få ei vond magekjensle når vi observerer og er i samspel med eit barn/foresette. Denne observasjonen er viktig.
• Sett av tid til å observere barnet i samspel med foreldre, andre barn eller andre vaksne. Skriv ned det du ser. (lenke til mal). Kva gjer deg uroleg? Kva kan dette vere eit teikn på?
• Bruk trekanten ovanfor til å undre deg over kva som kan vere årsaken til uroen din. Kan det vere noko i barnets utvikling? Kan det vere noko i barnets omsorgssituasjon? Eller kan det vere andre levekårs- og livsutfordringar? Ta med deg spørsmåla og undringa inn i neste steg: samtale med barnet.
• Når du er i kontakt med foreldre og blir uroleg og det ikkje er naturleg å tala med barnet/observere barnet eller samspel med foresette: --> gå til steg 3. Om det heller ikkje er naturleg å tala med kollega/leiar, gå til steg 4.
• Dokumenter i eige dokumentasjonssystem 

Ved mistanke om noko kriminelt som vold eller overgrep: ring politiet 112 eller 02800 eller kontakt barnevernet 

Avvergingsplikt

Under øvingsverktøy finn du vurderingsskjema du kan fylle ut for å vurdere  risiko- og beskyttelsesfaktorer i barnets liv. La dette skjemaet følge saken og fyll på informasjon undervegs som du får den. Bruk skjemaet til å vurdere saken jamleg. Slik kan du få hjelp til å vurdere kor høgt risikonivå barnet lev i. 

Er du ferdig med steg 1 - gå vidare til steg 2