Valle kulturskule gir opplæring innaføre ulike instrument. Du kan lære alt frå song, gitar, piano, trommer og fiolin til kveding, munnharpe og hardingfele. Vi har både tilbod om populærdans og leikarring, og dessutan breiddetilbod for nybyrjarar, der eleven kan få prøve ut ulike instrument for å finne ut kva som passar best. Alle elevar deltek i samspel, og alle som ønskjer får opptre på konsertar og framsyningar.
I tillegg arrangerer vi kortkurs i kunst, dans m.m. i løpet av året, gjerne i samarbeid med fritidsklubben. Vi samarbeider også med fritidsklubben, og Bykle kommune, om å arrangere UKM - Ung Kultur Møtast. Vi har gratis gruppetilbod i barnehage og SFO, Musikk i livets begynnelse, Allsongstund for vaksne og song- og musikkstund på Valle bygdeheim.
I vår brosjyre for finn du meir informasjon om tilboda våre. Borsjyre kulturskule (PDF, 336 kB).
Her finn du litt ekstra informasjon om folkemusikktilbodet vårt. (PDF, 159 kB)
Her finn du gebyrlista for 2026
Søknad om plass og tideling.
Dersom ditt barn skal halde fram med same tilbod/instrument i vår kulturskule neste skuleår må du re-registrere eleven.
Dersom ditt barn skal slutte, må du også registrere dette.
Frist 15. mai.
Søknad om plass, slutte eller byte instrument
Dersom ditt barn er ny elev ved Valle kulturskule opprettar du ein brukar ved første gongs innsøking. Alle søknader skal registrerast elektronisk, via SpeedAdmin. Hugs at du skal nytte ein og same innloggingsinfo (brukar) dersom du har fleire barn som har/skal ha plass i kulturskulen – du opprettar altså brukarkonto berre ein gong.
Dersom ditt barn skal halde fram med same tilbod/instrument i vår kulturskule neste skuleår treng du ikkje å gjere noko – eleven blir automatisk overført til nytt skuleår.
Dersom ditt barn derimot skal slutte, eller ønskjer å byte instrument, må du også registrere dette.
Søknadsskjema finn du her
Kva for tilbod som vil bli gitt avheng av etterspurnad, tilgjengelege lærarressursar og kva for stillingssamansettingar som er mogelege. Vedtak om plass får du i løpet av sommarferien/før skulestart, per e-post. Lærar kontaktar elev/foreldre før skulestart vedrørande tidspunkt for time.
Frist for hovudopptak av nye elevar og melding om endringar er 15. mai.
Vi ber om at fristen blir overhalden, då seine søknader og endringar medfører ekstra administrativt arbeid. For å førebu nytt skuleår vil systemet bli mellombels stengt for nye søknader og sluttmelding kort tid etter fristen.
Hjarteleg velkomen til Valle kulturskule!