Kvart år blir det lagt ned enormt med ubetalte arbeidstimar av personar som gjer ein innsats for kulturlivet i Valle. Dette arbeidet er uvurderleg og er med på å gjere bygdene og grendene til levande lokalsamfunn der det er godt å bu både for unge og vaksne. Har du framlegg til kven som bør få Valle kommune sin kulturpris i år?
Stimulere kulturlivet
Kulturprisen skal stimulere kulturlivet i kommunen og gi honnør for ein spesiell innsats innafor kulturfeltet. Prisen kan delast ut til enkeltpersonar eller lag og organisasjonar som har tilknyting til Valle kommune. Dersom to eller fleire kandidatar vert funne likeverdige kan prisen delast.
Saka blir handsama av levekårutvalet.
HER kan ein lese meir om reglar og anna knytt til kulturprisen. I 2023 var det Erling Sagneskar som fekk utmerkinga.
Prisen blir delt ut under 17.mai-arrangementet. Forslag skal sendast skriftleg til Valle kommune v/leiar kultur og fritid, pb. 4, 4746 Valle, eller som e-post HER