Steg 6: Involver andre tenester

Ressursteam (r-team) er kommunen sitt lågaste nivå for tverrfagleg drøfting og samhandling. Teamet er tverrfagleg samansett av barnehage eller skule, Pedagogisk psykologisk teneste, helsesjukepleiar og Psykisk helse og rus.

For å kunne drøfte i ressursteam, er det nødvendig med samtykke frå foreldra og ungdom over 16 år - sjå eige skjema.

Foreldre og ungdom over 15 (16) år har også moglegheit til å ta direkte kontakt med PPT, helsetenester eller barnevernstjenester.

Barnehage/skule har moglegheit til å drøfte anonymt om det ikkje blir gitt samtykke.

Der det allereie er oppretta ein fast tverrfagleg samarbeids-/ansvarsgruppe rundt barnet, skal ikkje behovet meldast til ressursteam, utan at samarbeids-/ansvarsgruppa er kjent med det.

Om det er tydeleg kva hjelpetenester barnet har behov for, kan ein ta direkte kontakt utan å gå vegen om ressursteam, jf rett hjelp til rett tid og unngå unødvendig ventetid.

Tre mogelege vegar vidare:

1. Ressursteam

Behovet blir drøfta i ressursteam. Foreldra og barnet/ungdommen har høve til å delta og skal bli førespurde om deira ønskje. I møtet blir perspektiv og tiltak drøfta i fellesskap. Det blir avklart kva tenester og fagpersonar som er aktuelle vidare, kva tiltak som skal vidareførast og kva som skal avsluttast, kva nye tiltak som skal prøvast ut, og kven som er ansvarleg for å gjennomføre tiltaka og kven som er ansvarleg for å samordne hjelpa og samarbeidet. Det er alltid aktuelt å sjå på tiltak i barnehage/skule, heime og fritid parallelt. Dokumenter i referatmal i eige dokumentasjonssystem.

2. Koordinator/ansvarsgruppe

Vurder saman:

Bør det opprettast ansvarsgruppe med koordinator?
Har barnet/ungdommen rett og ønske om individuell plan (IP)?
Har barnet/ungdommen rett på barnekoordinator? Koordinerande eining skal få informasjon om det blir oppretta ansvarsgruppe, koordinator, IP eller det er behov for barnekoordinator.

3. Ingen ynskje om vidare hjelp eller involvering frå andre instansar

Barn/ungdom/foreldre ønsker ikkje at behovet blir drøfta i ressursteam: Det blir avklart i evalueringsmøte (steg 5) kva andre tenester som er aktuelle for dei. Det blir avtalt kven som har ansvaret for å opprette kontakt med aktuelle tenester og korleis hjelpa skal samordnast. Dokumenter i referatmal i eige dokumentasjonssystem.

Dersom meldeplikta ikkje er utløyst:

Oppfølgingsplanen avsluttast og dokumenter i eige dokumentasjonssystem. Om det blir vurdert som til barnets beste, vil det i barnehage eller skule kunne være mogleg å halde fram med systemtiltak, sjølv om barn/ungdom/foreldre ikkje ønsker det. Ved varig eller ny uro følgjer ein denne rettleiaren frå steg 1 att (observer og dokumenter). Vurder om du skal kontakte barnevernet for drøfting.

Dersom meldeplikta vurderast utløyst:

Gå til steg 7. Bekymringssamtale med foreldre og steg 8. Bekymringsmelding til barnevernet. Om bekymringa gjeld vold og overgrep, gå rett til steg 8. Dokumenter i eige dokumentasjonssystem.