Steg 4: Samtale med foreldre og oppfølgingsplan

Kvifor er det viktig å snakke med foreldre? 

Foreldra er dei som kjenner barnet best og har rett til å vite korleis det går med barnet sitt. Foreldra har ansvar for å følge med på barnet si utvikling. 

Før møtet:

Avklar kva kollega du skal ha med i samtalen. Foreldre kan ha betre relasjon til nokre i personalet enn andre. Legg til rette når det er mogleg.  

Ring foreldra og avtal tidspunkt. Forklar kvifor du kallar inn til møtet. Orienter om kven som deltar frå dykk og spør foreldra om dei ønsker at barnet skal delta i samtalen. Avklar behov for tolk. Om foreldra ikkje bur i lag, skal den/dei med foreldreansvar bli invitert.  

Førebu samtalen med tanke på tema og barnet sitt behov. 

Gjennomføring av samtale med foreldre:

Ta imot foreldra og ønsk velkommen - hugs vatn og kaffi/te. 

• Sett tidsramme for møtet. 
• Involver foreldra raskt: Kva tenkjer dei om det som er sagt? Korleis opplever dei barnet/ungdommen for tida? 
• Bruk heller kva, korleis og kva for framfor kvifor.  
• Sensitiv møteleiing: Vis forståing for at ting kan vere vanskeleg – kommuniser empatisk. Hugs at det kan vere fleire forklaringar på at barn eller foreldre har det vanskeleg.  
• Oppsummer undervegs og kontroller for felles forståing. 
• Drøft saman kva som er barnet sitt behov. 
• Finn fram til tiltak i barnehage/skule, heim og fritid (fyll ut mal for Oppfølgingsplan for barn og unge (DOCX, 29 kB)).  
• Hugs at barnet har rett til å bli høyrd og medverke når ein set inn tiltak.  
• Avtal evalueringsmøte. 
• Avslutningsvis - spør foreldra korleis dei synest møtet har vore. 
• Oppsummer møtet og vegen vidare. 

Handtering;

• Dokumenter innkallinga over telefon i eige dokumentasjonssystem. 
• Dokumenter møtet (Steg 4- mal: samtale med foreldre) (DOCX, 23 kB), med kopi til heimen. 
  Legg ved oppfølgingsplan (Steg 4: mal - Oppfølgingsplan for barn og unge) (DOCX, 28 kB). 
• Følg opp tiltak i oppfølgingsplanen.  

Er du ferdig med steg 4, gå vidare til steg 5.